Hoe werk Kuberskool?
Kuberskool maak gebruik van die Moodle e-leerplatform wat een van vooraanstaande e-leerplatforms ter wêreld is om virtuele onderrig interaktief aan leerlinge aan te bied.
Jy skakel elke dag in op Kuberskool en ontvang jou daaglikse en weeklikse vakinhoud. Sodoende word leerlinge aangemoedig om deurlopend te werk.
Daaglikse/weeklikse lesmateriaal en ondersteunende video’s word opgelaai.
Begeleiding deur spesialisonderwysers wat passievol is oor onderwys en wat graag ‘n aangename leerervaring aan leerlinge wil bied.
Kommunikasie: Navrae kan aan die graadkoördineerder gerig word vir terugvoer en individuele ondersteuning.
Aanlyn assessering vind deurlopend plaas.
Huiswerk en werksopdragte word binne ‘n spesifieke tydsraamwerk voltooi en ingehandig om nagesien te word.
Kwartaalikse vorderingsverslae (rapporte) word op die e-leerstelsel opgelaai.
Watter kurrikulum volg Kuberskool?
Kuberskool volg Orania CVO-skool, wat ‘n lidskool is van die Beweging vir Christelike Volkseie Onderwys (BCVO), se verrykte kurrikulum (KABV) volgens hulle christelike waardes en beginselgrondslag.
Die BCVO lewer verskeie dienste aan lidskole soos: studiemateriaal, professionele advies en gekoördineerde sport- en kultuurgeleenthede op streek- en nasionale vlak.
Handboeke en studiemateriaal
Kuberskool voorsien aan die leerling die nodige handboeke en studiemateriaal en dit is ingesluit in die fooie.
Tegnologiese vereistes
‘n Skootrekenaar of gewone rekenaar met goeie internetverbinding.
‘n Internetverbinding wat vinnig genoeg is om ‘n video opname te kyk.
Google Chrome word as voorkeur toepassing aanbeveel vir toegang tot Kuberskool op rekenaar, tablet of selfoon.
Leerlinge moet ook toegang tot ‘n drukker en skandeerder (of slimfoon) hê om opdragte en lesmateriaal te kan uitdruk en weer terug op te laai.
Hoe werk evaluering en eksaminering van leerlinge?
Evaluering vind deurlopend aanlyn op Kuberskool plaas en die resultate word beskikbaar gestel aan die leerlinge en hul ouers. Instruksies vir assessering sal op Kuberskool aan u deurgegee word.
Instruksies vir eksaminering sal op KuberSkool aan u deurgegee word.
Wat is die skoolfooie vir 2024?
Inskrywingsfooi
R 500 Eenmalig
Betaalbaar by
registrasie
Opsie 1
R 1,600 - 1,800 /maand
Maandelikse fooie
betaalbaar
Opsie 2
R 17,100 - 20,200 /jaar
Jaarfooi vooruit betaalbaar
5% afslag
Dit moet as volg betaal word :
Skoolfooie is maandeliks betaalbaar vir 12 maande.
Ouers wat verkies om die volle skoolfonds vooruit te betaal kwalifiseer vir ʼn 5% korting indien die gelde ten volle voor of op 28 Februarie ontvang is.
Indien fooie nie teen die sewende van die maand, vir die huidige maand ontvang is nie, sal toegang tot Kuberskool tydelik opgehef word. Kuberskool sal weer beskikbaar gestel word wanneer die skoolfooie ontvang word, maar ʼn administrasiefooi van R150.00 sal dan tesame met die agterstallige gelde betaalbaar wees.
Daar sal ‘n handboek fooi vir graad 4-9 betaalbaar wees.
Watter buitemuurse aktiwiteite bied Kuberskool?
Kuberskool bied die volgende toegang tot aktiwiteite:
Sport
Rugby – 15 man & 7’s, netbal, atletiek, landloop, krieket, skaak
Rugby – 15 man & 7’s, netbal, atletiek, landloop, krieket, skaak
Kultuur
Sang, voordrag, redenaars, beeldende kuns, kreatiewe skryfwerk en Bybelkennis
Sang, voordrag, redenaars, beeldende kuns, kreatiewe skryfwerk en Bybelkennis
Uitstappies
Jaarlikse gr.6 buitelugskool, gr.7 toer en Majuba toer.
Jaarlikse gr.6 buitelugskool, gr.7 toer en Majuba toer.
Skoolfunksies
Kuberskoolleerlinge het toegang tot alle skoolfunksies
Kuberskoolleerlinge het toegang tot alle skoolfunksies
